| 阿上's profile阿上的苦瓜田PhotosBlogLists |  Tools  Help |
|
July 15 原来屎坑系臭既...从HK翻离,都几多感慨下.
其实以前我一直都吾明白点解人要感慨,到左而家,终于好似有D开窍.
你感慨人生就好似去厕所XX甘,将自己内心既野排洒出离,几舒服下甘咯.
核凸佬...
我记得肥婆成日甘话我,无计,有时核凸,都系纯真既一种表现.
讲翻起HK既时候,见过条吾知乜卵野桥(过关个时)
阿是同我讲:"丢,我地由一个世界去到另一个世界."
无错,我地用左150蚊由广州去到香港.
有好多野就系甘,多一DD,就由一个世界去到另一个世界.
现实都几残酷下,不过我吾MIND咯老实讲.
好,又扯远了.
但扯翻翻离我又发觉其实想讲既野吾多.
而家捻翻岩先既比喻,发觉又好似有D吾岩,去厕所,系讲D野排出离,感慨,其实好大程度系得自己知.
感慨比自己知
SAI气啦,无鬼用.
吾讲了,呢篇日记当废了,其实主要因为我眼训,等阿妈翻等到而家,点几了,困了.
最后讲真,去旅行个阵急屎,真系一件好卵尴尬既事...好采系同个麻甩佬.
再最后罗嗦多一次,我起新浪个BLOG发表左新小说,写得吾够<散落的海棠依旧>好,将就下,得闲就过下目
July 09 一世人有几多次可以望住人训觉望到天光吾好以为我系色狼,就算系,我都应该无甘狼.
不过其实我觉得甘既机会吾多,自己吾系属于个D好中意夜蒲既人.
广州系个不夜城,一到夜晚就会沉淀出一个个熠熠生辉既生命.
我吾中意一班人甘离欣赏夜晚,不过老实讲,距地可能起梦入面欣赏,而我,而家望住个天空离发呆咯.
D朋友个个都系特别既人,讲开又讲,我身边特别既人真系吾少.
突然捻起有个宗教组织叫博克侬,博克侬既信徒坚信人同人系编排成队的,呢种队伍叫"卡拉斯"
当你发现你既生活与另一个人既生活纠缠在一起,但又没有什么合乎逻辑的原因
甘呢个人可能就系你既"卡拉斯"里面既一员.
系咯,如果甘讲,我班FAN同我米都系排紧队咯
不过排队系去做乜,我就真系吾知
吾知点解呢,我反而比较中意自己起新浪个边个个BLOG,所以话人都系比较虚伪
个边自己可以扮野,晒下D其实并吾系好好既文采.不过后尾我捻捻下,其实都无乜所谓姐
自己比左个定义自己,当写文章系生仔,无论你生出离个仔样靓好,样衰好,都系呢个仔.
正所谓虎毒不吃儿咯......死,突然跑题.
翻翻离先,今朝早望住距地训觉,觉得好得意,不过人地有床训,你无床训,又几无奈
打开人地屋企部电脑又无乜野搞,最后米行左出阳台望天空咯.
广州既夜晚无乜星星,记得以前拉维讲过:
"HK个边D星星超多,就好似HK既靓女甘多,广州,D星星就好似广州D靓女甘少."
男人之间既话题总系离吾开女人,我笑左一下.
拉维起个沙发度训到好似D喻珈佬甘,D手手脚脚拿迈一旧甘.
捻左下自己既睡姿,应该无距甘核凸...
其实都吾系,自己边有可能见到自己既睡姿,又点知自己睡成咩样.
所以话拉维肯定吾知自己训到好似只螃蟹甘...
等天光系一件好无奈既事,不过其实好快就天光
July 08 一只苹果一只橙点讲呢,姐系我觉得呢个世界会有好多野摆起你面前比你拣咯
而你又有好多时候不懂得如何去挑选.
我吾知呢种自己种有点无奈既感觉称吾称得上话系开心.
开心?其实咩叫开心?
有人话,其实开心好简单,自己想就得,但我捻翻起阿爸阿妈成日挂起嘴个句:
仔,好多野,吾系想就得噶.
系咯,甘我想开心,但又吾得开心,甘米叫无奈咯.
我捻起以前住起宝岗个头,夜晚一个人走出街都会见到D板仔起度踩板
个时我好羡慕距地,因为距地夜晚出街都可以成班人陪,成班人玩,仲要甘型.
而我就孤伶伶甘挞住对拖鞋拿住10蚊鸡去帮老豆买啤酒,
姐对比起身,人地出街,我又出,点解人地型过我甘多.
捻下捻下,吾知吾觉又到左自己型既时候,自己又会捻,要甘型离做乜?
其实我觉得呢D甘既有吾有型,系相对个咯.
姐系你身边既人型,你捞,甘你米吾型咯.甘如果你身边既人捞,你型,甘你米玩洒咯
就好似我而家搬左去东晓南,夜晚行出街静系见到D穿住件背心撩住之牙签行离行去既阿伯
甘,自己米叫型咯,因为好歹都着住件TSHIRT.
同样系落街帮老豆买啤酒姐,甘,环境吾同,米型D咯.
又捻翻起阿是呢条友,两年前我仲系一个戴住蓝色眼镜曳起裤脚叫距哥哥既傻仔
都几搞笑下咯,距琴日稳翻我个时发既相比距(两年前),周围D人都话,顶呢个阿上离噶?甘纯情既?
最后我自己体翻,都吓左一惊,原来,自己真系有甘纯情既一刻...
不过其实点讲呢,每个人都有咯我觉得,我指纯情.
又翻翻以前成日起新浪个边个苦瓜田讲到懒吾有型既野,
时间,真系起度偷紧你既生命咯,现实,真系起度磨紧你既纯真咯.
姐其实一样野你成日甘讲,人地会觉得无聊,但我自己吾觉咯
人总系要唏嘘既,甘比D空间自己唏嘘,好过屈埋屈埋屈出病啦...
不过屈出病然后死左距,会吾会更加好一D?
CHOY,你把死人口,其实我吾想死,应该话好怕死咯,不过就成日同人讲话人死左就乜都轻松洒
其实吾系既,其实米又系一种懒型既表现,自己其实好懦弱,讲到自己有几坚强几坚强
又话姐自己其实好坚强,讲到自己又几懦弱几懦弱.
我属于后者咯我觉得自己.
呢个世界上好多野就好似自己既手表带起右手上,系无乜原因既.
好多人话我傻开两个BLOG懒甘吾型甘,甘我只能讲话自己真系懒甘吾型咯.
因为懒甘吾型,所以我懒甘吾型.
其实,个个BLOG系比自己一D文学生存既空间咯,文学呢家野,要有环境咯我觉得.
无理由你拿住部电脑起个教堂度会写D吾入流既色情小说噶嘛...
系咯,米当比个机会自己同D中意文学既人交流既机会咯.
总知,一只苹果一只橙,你会点拣?
|
|
|
